Selja kloster

Klosterøya Selja var viktig for etableringa av den norske kyrkja. Her kom det tidleg både kloster og kyrkjer og den første norske helgenen, St. Sunniva.

Valet av fire steinar er også knytt til historia om guds fire døtrer: Sanning, Fred, Rettferd og Miskunn. Denne historia kom inn i Magnus Lagabøte si landslov i 1274, og ettersom vi feirar landslovjubileet i år (2024) passa det godt med ein slik referanse. Steinane frå Selja er henta frå ein deponihaug på Selja, og blir del av kunstverket i regjeringskvartalet: to stk. gneis, ein rektangulær og ein flat. Desse er representative for delen av klosteranlegget som ikkje er bygd i olivin. Éin stk. eklogitt som finst som lausstein i området. Éin stk. olivinstein utan dekorasjonar. Steinen vart vurdert av geolog til å vere hard nok til å ligge i eit trafikkert golv/offentleg uteareal, helst kanskje i eit område som ikkje har mykje trafikk.

Selja Kloster
Guds fire døtre – Vestland Fylkeskommune
Selja kloster – Store norske leksikon

Kulturminnevern: Riksantikvaren

Steinuttaket er godkjent av både fylkeskommunen, Universitetet i Bergen og Norsk institutt for kulturminneforskning (NIKU), i og med at klosteranlegget er automatisk freda (Riksantikvaren).